糖糖的地下行宫

近來糖糖的新聞真是多得不得了，
放糖糖樣子上去的電影海報多得差點夠出一本書，
其實史丹也替他覺得慘，
香港咁多人都僭建，村屋僭建多到數不清，
搞到唔僭就真係好蝕底咁，
也不是只有他一個人僭，
不過糖糖想做一區之首，
跟其他人一樣想著駁大霧建地底行宫建又真係唔得囉！
首長來嘛，要自律有誠信先得嘛，
還要推糖太出來....哎吔....
點做大事呀？

最後當然被市民插到一身都係洞啦！
糖糖無計可施.....
愁到呀媽都唔認得，

史丹見他那麼慘，
決定為他獻計，
幫助他成為下一屆的一區之首！



要補鑊！
一定要帶罪立功！
屋宇署話要把他那個地底行宫還原，
史丹第一個話︰「唔好呀！！」

不要那麼浪費啦！花很多錢才建好這個溫暖的家呀！
 

史丹帶著一大班朋友來幫手，
尤其是一大班無殼蝸牛。


一於把地底行宫改建！
以短期租約平租給各大香港市民，
租金收入交給政府再起公屋和居屋，
史丹已經為他畫好改建設計圖喇！


 
劏房是香港的文化遺產，
當然要發揚光大！
地下行宫改建做地下社區，
劏房有大、中、小給不同收入的人選擇，
最平的剛好放一張床，
最貴的有泳池的天窗帶入天然光，
夠豪喇呱！？很有香港地產特色呢！
以平均一間二十呎的劏房計，
二千幾呎的地牢可以劏成百間房，
一間劏房平均住三個人，

嘩！有三四百個香港人受惠呀！勁呀！
至於劏房，史丹當然不介意住啦，
雖然只能放一張床，
但九龍塘喎！你估人人都住得起呀？
有得租九龍塘劏房史丹都不知幾高興！
因為係名校網嘛~~
幫小虎女報學校最方便，
所以在床上瞓覺、溫書和煲飯都無所謂，
但如果劏房位置真的不夠怎辦呢？
不用擔心，把劏房再挖深少少，
用來放雜物就有位置啦！


其他方面，當然要保留一些糖糖的強項.....紅酒！

地下社區設有品酒區，
令貧苦大眾都有機會嘗到高尚的品味，
教他們怎樣欣賞最高級的紅酒，
免費的不停供應，(反正免稅嘛！)
貧苦大眾由勞動型轉為智識型生活，
這正是給他們脫貧的好機會！
又一樣功績啦！


 
哈哈哈哈！
早就叫你唔洗錢都唔好狂隊啦！


而日式浴池呢.....
香港很少有這樣的特色浴池啊~

 
一於開放公眾，人人一起浸，
一定不會有內地人可以浸，
香港人不可以浸的事件出現，
這樣促進社會共融，當然又立一功啦！


住得劏房，收入都不會太多，
為了幫補家計，
地下社區還有居民市集，
大家賣賣東西，又不用交天價九龍塘鋪租，
既幫助脫貧，又夠環保，
簡直係新香港的代表作呀！

 
史丹的地攤什麼都有，
有食物(足不出戶都有東西吃)、
有電飯煲(房內加熱食物)，
有紅酒杯(品酒用)、
有蝸牛殼(給蝸牛一個家)，
當然要有鑽地工具(唔夠位用可以挖深o的嘛)。

還有保留原有的健身房呀、私人影院呀、理髮室等等，
令人人都有一個溫暖家的感覺，
嘩~~~ 獅子山下有個溫暖的家，
史丹想了很久喇~~~~ 正呀~~~~
要做一區之首真的不容易，
真係非請史丹這些人材幫手不可，
睇來史丹不做機師，
好似那些電視台主播咁轉行都有一番作為喎！