今天史丹一如以住，晨咁早就到公司準備出發前的文件，早不是史丹勤力，只是史丹住得太遠，一定要早到，否則很易遲到。
當史丹到dispatch時，跟史丹一起飛的second officer剛到，他跟史丹打招呼，傾了幾句史丹才知道他是全新的SO，今次是他第一轉的訓練sector，見他跟史丹同一時間到，他都一定預定很多時間去準備文件。
看見他一面興奮的樣子，他不停的問著不同的問題，像帶小朋友第一次去科學館，什麼都很新奇很有趣，什麼都想知點解的樣子。史丹不介意答他的問題，但史丹怕做了訓練隊長的工作，無大無細，隊長會不高興，所以都是講講一點皮毛，留下那些「堅料」給訓練隊長去教他。
隊長來到之前，新人SO已經不停講著他有多興奮，
「嘩！我在Adelaide訓練左咁耐都係等這一刻咋！」
「架777真係好正架！超想坐上去呀！」
「唔知真機同sim有幾大分別呢？我好想知呀！」
史丹史丹！
你知唔知我因為今轉機，
昨晚實在太過興奮，
無辦法瞓得著呀！
真係唔知點算好呀~
Just can’t wait!!!
喂喂！
我因為今轉機，
昨晚都無辦法瞓得著呀！
你知唔知點解丫？
「點解呀？」興奮的問。
我之前o的Jetlag都未復原，
回家又要照顧小朋友，
今晚又要通頂..... 你叫我點瞓得安樂......
~ ~ ~ ~
好明顯，史丹當年新join那種火晨早就熄掉了，
當年著起機師制服的興奮其實只維持了一天，
當年坐上大jet的興奮只維持了幾轉機，
去outport旅遊的新鮮感，每個port行三兩次就夠啦，
回酒店瞓多半日好過~
不過大家又唔好誤會史丹已經不喜歡飛行，
史丹現在依然很愛飛，
只是不是新鮮感爆滿，
而是責任感和滿足感繼續帶著史丹去飛。
當你還坐在後坐不知自己的chart放在那裡的時候，
我已經做完fuel
decision、calculation、
入完flight computer、briefing搞掂、
再檢查埋loadsheet，準備pushback。
當你在cockpit裡不停用手機影自己食乜飛機餐，
我就想著要緊急divert時可以去邊個機場。
現在史丹要知的知識大至上都已經知道，
飛行技巧都算見得一下大場面，
剩下來的只是實戰經驗，
怎樣令每轉機都飛得完美，
怎樣減少爆鑊的機會，
爆大鑊時怎樣應付，
怎樣去管理不同的人(隊長、空姐、乘客、ATC、公司、其他飛機)
每次遇到難題時給史丹解決，
安全地降落把客和貨送到目的地，
那種滿足感很難形容呢~
總括來講，
現在史丹所追求的東西，
跟新人所想所見的，
層次已經不太一樣架喇~
不過大家的終點都會係一樣，
向隊長出發~
大家一齊努力啦！
